Իր վառ համով ARARAT կոնյակը պարտական է ամենից առաջ Արարատյան դաշտի կլիմայական պայմաններին, տեղական հողի և խաղողի տեսակների բազմազանությանը: Յուրաքանչյուր սեպտեմբեր հողագործները իրենց ընտանիքների հետ միասին սկսում են բերքահավաքը: Աշխատանքը եռում է արևածագից մինչև մայրամուտ, որպեսզի պտուղները չկորցնեն իրենց համային հատկանիշները:

Խաղողի հյութ ստանալու համար Երևանի Կոնյակի Գործարանի մասնագետներն օգտագործում են օդաճնշիչ մամլիչ՝ նախատեսված թանկարժեք շամպայնի գինիների համար. միայն կորիզներն ու նրբամաշկը չվնասող նուրբ ճզմումն է թույլ տալիս պահպանել հայկական խաղողի հագեցած բույրը: Մթերումից հետո բնական խմորման արդյունքում հյութից ստացվում է բարձրորակ սպիտակ գինի՝ կոնյակի սպիրտի հետագա թորման համար անհրաժեշտ գինենյութ:

Կոնյակի արտադրության տեխնոլոգիական ստանդարտներին համապատասխան գինենյութն անցնում է թորման երկու փուլ. առաջնային և երկրորդային, ֆրակցիոն թորում: Առաջին թորման արդյունքում ստացվում է սպիրտ-հումք մինչև 32° թնդությամբ, որը կրկնակի թորում են: Երկրորդային թորումը սպիրտը տարանջատում է երեք թորամասի. «գլուխ», «սիրտ» և «պոչ»: ARARAT կոնյակների հիմքը դառնում է միայն «սիրտը»՝ կոնյակի սպիրտների ամենամաքուր, նրբագեղ և նուրբ թորամասը:

Կոնյակի սպիրտներին հատուկ հմայք է հաղորդում ««գոլորշային» մեթոդով թորումը. Առավել բարդ ու տևական ի տարբերությւոն դասական թորման բաց կրակի վրա, հենց այն թորման եղանակն է թույլ տալիս կոնյակի սպիրտին անփոփոխ կերպով փոխանցել խաղողի տեղական ստեսակների համային առանձնահատկությունները:

Հնեցումը գործընթաց է, որը տևում է ոչ թե օրեր ու ամիսներ, այլ բազմաթիվ տարիներ: Միայն 70 և ավելի տարեկան ծառերն են դառնում տակառների համար հումք, ևս մի քանի տարի է պահանջվում տակառատախտակների պատրաստումը: Յուրաքանչյուր տակատ պատրաստվում է գործարանի վարպետների կողմից ձեռքով սեփական տակառագործական արտադրամասում: Վերջապես, պատրաստի տակառը տեղափոխվում է հնեցման արտադրամաս, որտեղ այն լցնում են սպիրտով: Տակառում սպիրտն անցկացնում է երեք տարուց մինչը կես դար և ավել՝ հարստանալով գույնի, համի ու բույրի տարբեր երանգներով: Հենց կովկասյան կաղնեփայտի կառուցվածքի շնորհիվ է, որ ապագա ARARAT կոնյակների սպիտրները ձեռք են բերում իրենց անկրկնելի տեսքը՝ չորամրգերի, համեմունքների, վանիլի և շոկոլադի արտահայտիչ տոներով:

Թեև վարպետը չի տեսնում տեղի ունեցող վերափոխումը, բայց նա մշտապես հետևում և կարգավորում է ջերմաստիճանը ու պայմանները, որոնցում գտնվում է տակառը: Շատ դեպքերում տասնամյակներ անց նա հենց իր հմտությամբ է որոշում, թե ինչպիսին կլինի սպիրտի ճակատագիրը:

Կուպաժը արվեստին մոտ գործընթաց է: Միասնական փնջի մեջ խաղողի տարբեր տեսակներից տարբեր տարիքի սպիտները միախառնելիս վարպետը գործ ունի համերի և բույրերի բարդ գունակազմության հետ: Ավելի քան 700 սպիտներից,որոնք միմյանցից տարբերվում են ինչպես այն եղանակային պայմանների տատանումներից, որոնցում հասունացել է խաղողն, այնպես էլ այն տակառների առանձնահատկություններից, որոնցում հնացվել են սպիտները: Վարպետը պետք է ընտրի և ստեղծի այն փունջը, որը կընդգծի ARARAT կոնյակներից յուրաքանչյուրի ինքնատիպ և միակ ճշմարիտ էությունը:

Կուպաժում առանձնահատուկ դեր է կատարում ջուրը. ARARAT կոնյակների համար օգտագորրծվում է Կաթնաղբյուր բնական աղբյուրի ջուրը, որն ունակ է վերհանել խմիչքի համային հարստությունը: Պատրաստի կուպաժը կրկին ուղարկվում է կաղնեփայտե տակառներ՝ «հանգստանալու», որի ընթացքում սպիրտները ընտելանում են միմյանց և դառնում մեկ ամբողջություն՝ ARARAT լեգենդար կոնյակ: Մնում է միայն այն շշալցնել:

ARARAT կոնյակների տեսականի