Հոկտեմբերի 10-ին Dvin Music Hall-ում տեղի է ունեցել է «Երևանը երգում է Ֆորշի համար» խորագրով համերգային երեկոն, որի գործընկերն էր ARARAT կոնյակը: Հոբելյանական երեկոն նվիրված էր երգիչ, երգահան, ՀՀ վաստակավոր արտիստ Ֆորշի 55-ամյակին։

Նշանավորելով մաեստրոյի 55-ամյա հոբելյանը՝ Երևանի կոնյակի գործարանը պատրաստել է ARARAT «Երևան» կոնյակի հատուկ անվանական և սահմանափակ հավաքածու։ Երևանյան տաք գույներով լցված համերգային երեկոյի ընթացքում հյուրերը հնարավորություն ունեցան նորովի բացահայտելու ARARAT կոնյակի ամենաերևանյան եզրերը։

Համերգային երեկոն միավորեց մայրաքաղաքի մի քանի խորհրդանիշներ։ Երևանի կոնյակի գործարանը քաղաքի այն պատմական շինություններից է, որը հաստատակամորեն ձևավորել է Երևանի դիմագիծը։ Իսկ Ֆորշի ստեղծագործությունների կիզակետում մշտապես եղել է այն քաղաքը, որը բոլորիս կերտել է յուրովի, որին բոլորս ճանաչելով՝ բացահայտել ենք ինքներս մեզ։ Քաղաք, որի ամեն մի անկյուն լցված է բազմաթիվ պատմություններով և  հուշերով։