Սեպտեմբերի 28-ից 30-ը «Parkovy» ցուցադրությունների կենտրոնում տեղի ունեցավ աշխարհի բարային ոլորտի ամենասպասված միջոցառումներից մեկը՝ BAROMETER 2018 միջազգային բար-շոուն, որը Կիևը վերածել էր աշխարհի բարային մայրաքաղաքի: Կոկտեյլային մշակույթի եռօրյա տոնակատարությունը համախմբել էր Ուկրաինայի, ինչպես նաև Եվրոպայի տարբեր անկյունների հայտնի բարերին, որոնք հավաքվել էին հյուրերին ներկայացնելու նոր կոկտեյլներ՝ ստեղծված հատուկ BAROMETER-ի համար:

Այս տարի բար-շոուն գերազանցեց բոլոր սպասումները՝ ընդլայնելով սահմանները և հասնելով նոր ռեկորդների. BAROMETER-ն այս տարի այցելել էր 18 հազար հյուր և վայելել 44 հազար կոկտեյլ: Առաջին անգամ մի հարկի տակ նեկայացված էր 23 բար 11 երկրներից, այդ թվում Ասիայի լավագույն բարը և այն բարերը, որոնք ընդգրկվել էին աշխարհի լավագույն բարերի թոփ 50-ի ցանկում: Հյուրերը նաև հնարավորություն ունեին բարային բնագավառի առաջատար ներկայացուցիչների մասնակցությամբ դասախոսություններ այցելելու, բարմենների մրցույթների հետևելու և զանազան բարային աքսեսուարներ ընտրելու:

Այս տարի ԱՐԱՐԱՏ լեգենդար հայկական կոնյակի աջակցությամբ առաջին անգամ BAROMETER-ին ներկայացված էր Հայաստանն իր լավագույն բարերից մեկով՝ Simona-ով, որը նույնիսկ ամենաքմահաճ հանդիսատեսին զարմացրեց իր վարպետությամբ և բացառիկ կոկտեյլներով: Հատուկ BAROMETER 2018-ի համար ստեղծված Anооsh և Nare հայկական անուններով կոկտեյները ըստ արժանվույն գնահատվեցին՝ անմիջապես դառնալով խոշորագույն հավաքի ֆավորիտները: