Հոկտեմբերի 18–21-ը Danilovsky Event Hall-ում տեղի ունեցավ Salon du Chocolat փառատոնը, որը Ռուսաստանում շոկոլադին նվիրված առանցքային միջոցառում է: Ավանդույթի համաձայն փառատոնի գործընկերն էր ARARAT լեգենդար հայկական կոնյակը:

Շոկոլադի փառատոնը հանդիսանում է նորարարական արտադրանքը և վերջին միտումները ներկայացնելու, ինչպես նաև ճանաչված հրուշակագործների հետ հանդիպելու և համտեսի արվեստին ծանոթանալու համար ամենահայտնի հարթակներից մեկը: Այս տարի փառատոնին մասնակցել է 80 կազմակերպություն և հրուշակագործներ աշխարհի 20 երկրից: Ռուսաստանի և արտասահմանից ժամանած փորձագետները հանդիպեցին մի հարկի տակ այցելուների հետ կիսվելու համար շոկոլադի պատրաստման եղանակներով և բաղադրատոմսերով, ինչպես նաև ցուցադրելու համար իրենց գիտելիքն ու փորձն այս ասպարեզում: Միջոցառման ամենասպասված հյուրերից մեկը «Ֆրանսիայի լավագույն շոկոլադագործ» կոչումը կրող մասնագետն էր, ով վարեց հետաքրքիր շոու և մասնակցեց միջոցառման արտ-նախագծին:

Սա առաջին տարին չէ, որ ARARAT լեգենդար հայկական կոնյակն աջակցում է միջոցառմանը: Զարմանալի չէ, որ ARARAT-ը հանդիսանում է փառատոնի մշտական գործընկերը, քանի որ կոնյակը և շոկոլադը դասական համադրություն են կազմում: Այդպես, միջոցառման չորս օրերի ընթացքում անց է կացվել 15 հանրային քննարկման ձևաչափի հանդիպում` նվրված կոնյակը և շոկոլադը միացնող «նուրբ համադրությունների արվեստին», որոնց մասնակցել են 350-ից ավելի այցելուներ: Հոկտեմբերի 20-ին անց է կացվել վարպետաց դաս Ֆրանսիայի լավագույն շոկոլադագործի մասնակցությամբ, որի ընթացքում հյուրերը բացահայտեցին 6 տարվա հնացում ունեցող ARARAT Անի կոնյակով դեսերտի պատրաստման գործընթացը: ARARAT-ը նաև կազմակերպել էր հատուկ միջոցառում, որտեղ հյուրերը վայելեցին լեգենդար կոնյակի հիմքով պատրաստված կոկտեյլներ, ինչպես նաև հնարավորություն ունեցան համտեսել ARARAT Անի կոնյակը Ֆրանսիայի լավագույն շոկոլադագործի կողմից հատուկ պատրաստված քաղցրավենիքի հետ միասին: