Դարձե´ք ARARAT թանգարանի հյուրը

Այս ինստալյացիայում ամփոփված են խաղողի մեջ առկա բնական կանաչի բոլոր երանգները: Բարակ կեղևով և հյութեղ մրգապտղով արևահամ հատապտուղը, իսկ նրա մեջ է լույսի ողջ հարստությունն ու ջերմությունը:

Կոմպոզիցիան ցույց է տալիս, թե ինչ ճանապարհ է անցնում գինին նախքան թորվածք դառնալը՝բազմաթիվ պղնձե խողովակների միջով դեպի կովկասյան կաղնուց պատրաստված տակառի սիրտը:

Մութ և խաղաղ մառանների խորքում պահվող մեր թորվածքներին յուրաքանչյուր րոպեն ավելացնում է ուժ և համ: Մենք պարզապես թողնում ենք ժամանակին կատարել իր աշխատանքը, որպեսզի իրականանա այն նույն կախարդանքը: Ժամացույցը հուշում է մեզ, որ սպասումը հանգեցնում է աներևակայելի արդյունքի՝ համի անթերի համադրության:

Մեղեդի գրելու համար անհրաժեշտ է կոմպոզիտոր: Խառնուրդը նույնպես այսպես ասած մեղեդի է. չէ՞ որ վարպետն ընտրում է յուրաքանչյուր թորվածքը, ինչպես նոտաներ՝ ստեղծելով իդեալական հավասարակշռություն:

Սյուները վեր են խոյանում՝ դեպի երկնային լույսը: Նրանց տեղակայումը ձևավորում է Արարատ լեռան ճանաչելի ուրվագիծը, իսկ կոմպոզիցիայի սրտում գանձերի նման պահվում են հազվադեպ կոլեկցիոն ARARAT կոնյակները:

Խառնուրդը կազմված է համի միակ ներդաշնակություն ձևավորող նոտաների բազմությունից: Այս ինստալյացիան արտահայտում է խառնուրդի ստեղծման վարպետության իրական բնույթը: Թորվածքը ձայների նման շարժվում է խողովակներով՝ վերածվելով չքնաղ մեղեդու:

Խառնուրդի վարպետը նման է նկարչի, չէ՞ որ նա իր տրամադրության տակ ունի հարուստ ներկապնակ, միայն այն տարբերությամբ, որ բացի ներկերից այնտեղ կան նաև բազմաթիվ համեր և բույրեր: ARARAT-ի գամմայից ցանկացած կոնյակի խառնուրդի ստեղծումը՝ արվեստ է: Ինքը՝ ARARAT-ն իր մեջ կենտրոնացրել է արևի բոլոր գունավորումները. այն հանդիսանում է Հայաստանի իսկական խորհրդանիշը: