ARARAT Single Cask 12 YO-ը ARARAT Single Cask նորարարական շարքի շարունակությունն է, որը մեկնարկել է Երևանի կոնյակի գործարանի կողմից 2017 թվականին: ARARAT Single Cask 12 YO-ին նախորդած առաջին ARARAT նորարարական խմիչքը Երևանի կոնյակի գործարանի վարպետներին ոգեշնչել է շարունակել շարքը՝ ցույց տալով, որ նորարարությունը ոչ միայն մշտական կատարելագործում է, այլև միանգամայն նոր, անսպասելի եզրերի բացահայտում:
ARARAT Single Cask 12 YO-ը Երևանի կոնյակի գործարանի սահամանափակ քանակությամբ արտադրանքն է, որն ունի ARARAT շարքի համար բացառիկ 12 տարվա հնացման տարիքային հատկանիշ: Առանց կուպաժի և բացառապես հայկական Լալվար էնդեմիկ տեսակի խաղողից արտադրված ARARAT Single Cask 12 YO-ն ասես գրիզայլ է՝ մեկ գույնով արված կտավ, քանզի Լալվար խաղողի համահոտային նոտաների բազմազանությունը ARARAT-ի վարպետների ձեռքերում ստեղծեցին առատաձեռնության վառ և աներևակայելի մի ցոլք:

Հղկում հյուսիսով
Մեկ տակառում 12 տարի հասունանալով՝ ARARAT Single Cask 12 YO-ի համար օգտագործվող կոնյակի սպիրտը հնացվել է ԵԿԳ-ի Տավուշի մասնաճյուղի մառաններում իրենց հիմնադրման առաջին իսկ օրվանից: Այդպիսով, Հայաստանի հյուսիս-արևելքում աճող Լալվար հազվագյուտ տեսակի խաղողից ստացված կոնյակի սպիրտը երկար ժամանակ հասունացել է Տավուշի մառաններում, որտեղ տարիների ընթացքում կլոր տարի կայուն ջերմաստիճանը և հյուսիսային մեղմ կլիման համահոտային երանգների վիտրաժությանն հաղորդել են ազնվական հղկվածություն: Հնացման նմանատիպ մոտեցման շնորհիվ, ARARAT Single Cask 12 YO-ը տարբերվում է բացառիկ նրբագեղությամբ, համի և բույրի բազմասյուժետային ամբողջականությամբ:
Իրեն նախորդած խմիչքի պես՝ ARARAT Single Cask 12 YO-ն իրական գնահատողին դարավոր ավանդույթների ետնաբեմ այցելելու ինքնատիպ հրավեր է, ինչպես նաև բնածին գեղեցկությունը գնահատելու հնարավորություն: Կուպաժի և ցրտով ֆիլտրման փուլի շրջանցումը ընգծում է իր տեսակի մեջ եզակի արտադրանքի բնույթը:

Դիտման գեղագիտությունը
ARARAT Single Cask 12 YO-ն բաց սաթագույն է և ունի կարմիր փայտի փայլ: Գավաթը մի թեթև պտտելու արդյունքում ստացված հոսող կաթիլների օրնամենտալության մեջ արտացոլվում է երկար տարիների հնացումը:

Վայելքի գեղագիտությունը
ARARAT Single Cask 12 YO-ը բնութագրվում է նուրբ ծաղկային և ծխեցված սալորաչրի երանգներով հագեցած կարամելա-վանիլային ներդաշնակ բույրով: Շաքարացված մրգերի և բոված ընկույզի ծավալուն, հագեցած աշխույժ համը վերածվում է երկարատև, հաճելիորեն ջերմացնող հետհամի: