ԱՐԱՐԱՏ կոնյակը «Բրոդսկի/Բարիշնիկով» ներկայացման պաշտոնական գործընկեր
Փետրվարի 2-ին «Բալենու այգի» արվեստների միջազգային փառատոնի շրջանակներում Չիկագոյի «Հարրիս» երաժշտության և պարի թատրոնում տեղի ունեցավ ռեժիսոր Ալվիս Հերմանիսի «Բրոդսկի/Բարիշնիկով» մոնոներկայացումը:
Ներկայացման միակ դերի կատարողն էր Միխայիլ Բարիշնիկովը, ով այս տարի նշեց ծննդյան 70-ամյակը:
Ներկայացումը, որը մշակութային արտագաղթ է ապահովում դեպի նրա անցկացման ցանկացած վայր, ստեղծողների կողմից սահմանվել է որպես «զգացմունքային ճանապարհորդություն դեպի պոեզիայի խորքը»: Անգերազանցելի Բարիշնիկովը կարդում է գրականության Նոբելյան մրցանակի դափնեկրի, իր վաղեմի ընկերոջ Իոսիֆ Բրոդսկու բանաստեղծություններն ու արձակը: Բեմի վրա հայտնվելով այն ճամպրուկով, որով հնարավոր է Բրոդսկին լքել է հայրենիքը, Բարիշնիկովի հերոսը ճամպրուկի միջից հանում է գիրքը, դնում ակնոցները և սուզվում ընթերցանության մեջ: … հիշողությունների, հույզերի մեջ:
Մեծն բանաստեղծի և պարողի փոխկապակցվածության գագաթնակետը հին ձայնագրիչից եկող Բրոդսկու ձայնն է, որը իր ներդաշնակ տեղն է գտել լակոնիկ, բայց միևնույն ժամանակ զգացմունքային աներևակայելի խիտ դեկորացիաներում:
Բարիշնիկովը, ով բալետի իր դերերում բազմիցս հաղթահարել է ձգողականությունը և վաղուց հրաժարվել կատարելության անհասանելիությանը հավատալուց, ընթերցում է տեքստը՝ աստիճանաբար ուրվագծելով դրանք շարժման մեջ, ակնարկով, բայց արտահայտիչ, ակամա շարժումով, բայց տեքստի ռիթմին համահունչ, անուղղակի, բայց հստակ՝ հանդիսատեսին միայնակ թողնելով անփոխանցելի տպավորությունների մի ամբողջ գամմայի հետ:
Ներկայացման ավարտին ԱՐԱՐԱՏ-ի անունից, որի գաղափարախոսության հիմքում վարպետությունն նոր արտահայտումների որոնումն է, տեղի ունեցավ հատուկ հյուրասիրություն, որտեղ հյուրերը հնարավորություն ունեցան կիսվել տպավորություններով մի գավաթ կոնյակի շուրջ:
Այլ նորություններ
Նոր ներկայացում «ARARAT Gostinaya» — ում
«Մատյան երախտագիտության» միջոցառում
