Հունիսի 2-ին, 3-ին և 4-ին Սարյան փողոցը կրկին վերածվեց գինառատ մի տոնի՝ նշելով մայրաքաղաքի ամենասպասված իրադարձություններից մեկը՝ «Երևանի գինու օրեր» փառատոնը։ Արդեն ավանդույթ դարձած փառատոնը միավորում է գինեսերներին, վերածելով այն իրական տոնախմբության, որտեղ թե՛ երևանցիները, թե մայրաքաղաքի հյուրերը հնարավորություն են ունենում ծանոթանալու հայկական գինեգործությանը՝ միմյանց հետ կիսելով հիշարժան և ջերմ պահեր։

Այս տարի ևս ARARAT կոնյակները հանդես եկան հատուկ տաղավարով, որի ընթացքում երեք օր  շարունակ քաղաքի բնակիչները և զբոսաշրջիկները հնարավորություն ունեցան համտեսել ARARAT Flavors շարքի խմիչքները` վայելելով գիշերային Երևանը և հայտնի երաժշտական կատարումները: Փառատոնի ընթացքում մատուցվեցին ARARAT Apricot, ARARAT Coffee և ARARAT Cherry խմիչքների հիմքով կոկտեյլներ, որոնք էլ ավելի ընդգծեցին խմիչքների համահոտային առանձնահատկությունները։

ARARAT կոնյակը մշտապես հանդես է գալիս նորարարական մոտեցումներով՝ իր սպառողին ներկայացնելով կոնյակը վայելելու նոր եղանակներ։ ARARAT-ի հիմքով կոկտեյլների բազմատեսակ ընտրանին ներկայացված է araratbrandy.com կայքում, որտեղ նույնպես կգտնեք ARARAT կոկտեյլների պատրաստման բաղադրատոմսերը՝ ձեզ և ձեր մտերիմներին հաճելիորեն զարմացնելու համար։