«Լա Բոհեմ» բալետ
Սույն թվականի մայիսի 29-ին լեգենդար ԱՐԱՐԱՏ հայկական կոնյակների աջակցությամբ Ա. Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ Շառլ Ազնավուրին նվիրված բալետի պրեմիերան: Ներկայացմանը ներկա գտնվեց հենց ինքը՝ Ազնավուրը:
«Լա Բոհեմ» բալետային ներկայացումը նվիրվում է մեծանուն շանսոնյե Շառլ Ազնավուրին և բեմադրված է նրա 12 երգերի վրա: Այնուամենայնիվ, բալետը չի հավակնում ներկայացնելու Ազնավուրի կենսագրությունը և ոչ էլ միշտ արտացոլում է նրա երգերի բովանդակությունը, այլ հանդիսանում է նրա կերպարի, անցած կյանքի և զգացմունքների մետաֆորան:
Մեկ գործողությամբ ներկայացումը ժամանակակից բալետի լեզվով բացահայտում է լեգենդար շանսոնյեի բնույթը՝ մի անձի, որը կյանքի և սիրո ճանապարհին առնչվում է բազմաթիվ խոչընդոտների, սակայն հաղթահարում է դրանք՝ իրագործելով իր երազանքը։
Բեմադրող խորեոգրաֆը և սցենարի հեղինակը ՀՀ ժողովրդական արտիստ Ռուդոլֆ Խառատյանն է:
Այլ նորություններ
Նոր ներկայացում «ARARAT Gostinaya» — ում
«Մատյան երախտագիտության» միջոցառում
