Մայիսի 19-ին Երգի պետական թատրոնում տեղի ունեցավ «Ցուրտ օր դժոխքում» ներկայացման պրեմիերան, որին աջակցեց ARARAT հայկական կոնյակը։

ARARAT հայկական կոնյակն ավանդաբար աջակցում է նշանակալի թատերական իրադարձություններին, որոնք նոր օրակարգ են ձևավորում և յուրօրինակ բովանդակություն են հաղորդում թատերական արվեստին։ Բացելով Երգի պետական թատրոնի այս տարվա թատերաշրջանը՝ «Ցուրտ օր դժոխքում» ներկայացումը փորձեց ի ցույց դնել ժամանակից թատրոնի մշակույթը, ինչպես նաև լրացուցիչ բովանդակություն հաղորդել դասական թատերական խաղացանկին։

Մոնոներկայացումը հիմված է Յան Քաուքենբուշի համանուն պիեսի վրա, որի կիզակետում մարդն է` իր մտորումներով և ապրումներով։ Ներկայացման գլխավոր կերպարին մարմնավորում է Ներսես Ավետիսյանը, իսկ բեմադրող ռեժիսորը Հրաչ Քեշիշյանն է։ Գլխավոր կերպարի հուզական ներաշխարհն ավելի հագեցած ցույց տալու նպատակով մշակվել էր հատուկ խորեոգրաֆիա և երաժշտություն։

Ներկայացման ավարտից հետո պիեսի բովանդակային և ստեղծագործական մոտեցումները հյուրերը քննարկեցին մեկ բաժակ ARARAT կոնյակի շուրջ: Հյուրերը հնարավորություն ունեցան համտեսելու ARARAT-ի համահոտային շարքի հիմքով կոկտեյլներ՝ միմյանց հետ կիսելով ARARAT պահերն ու ջերմ հիշողությունները: