Հուլիսի 7-ին ARARAT թանգարանը հյուրընկալեց կրկնակի օսկարակիր դերասան Քևին Սփեյսիին, ով 21-րդ Ոսկե ծիրան կինոփառատոնի պատվավոր հյուրն էր։

Այցի ընթացքում Սփեյսիին ներկայացվեց ARARAT լեգենդար հայկական կոնյակի պատմությունն ու ժամանակակից եզրերը, որին հաջորդեց ARARAT-ի ամենագեղարվեստական կոնյակի՝ Ախթամարի համտեսի ծիսակարգը։ Դերասանը Երևանի կոնյակի գործարանի գործադիր տնօրեն Սերգեյ Խաչատրյանի ուղեկցությամբ այցելեց թանգարանի գանձարան, որտեղ պահվում են հայկական կոնյակագործության ավելի քան 135-ամյա ժառանգությունը ներկայացնող բացառիկ կոնյակների նմուշներ։ Գանձարանում Քևին Սփեյսիին ներկայացվեց ARARAT կոնյակի հիմքով պատրաստված «Armenian Beauty» կոկտեյլը, որի պատրաստման ընթացքում ներշնչանքի աղբյուր է հանդիսացել դերասանի ամենահայտնի ֆիլմերից մեկը՝ «American Beauty» («Ամերիկյան հմայք»)։

Շրջայցի ավարտին Սփեյսին կիսվեց իր տպավորություններով, ինչպես նաև համալրեց իր հիշողությունները Հայաստան այցի վերաբերյալ ևս մեկ հուշով։