Ձևավորված ավանդույթի համաձայն, ARARAT թանգարանն այս տարի ևս միացավ «Թանգարանային գիշեր» միջազգային նախաձեռնությանը` այցելուներին հրավիրելով բացահայտելու 135-ամյա ժառանգության ստեղծագործ եզրերը։

Երկու օր անընդմեջ՝ մայիսի 20-ին և 21-ին, ARARAT թանգարանը հյուրընկալեց հազարավոր այցելուների, ովքեր հնարավորություն ունեցան ճանաչելու հայկական կոնյակագործության պատմության և ստեղծման դարավոր ուղին։

«Այս տարի մենք նշում ենք Հայաստանում կոնյակագործության 135–ամյա հոբելյանը։ Որոշ իմաստով սա մեր ընդհանուր ժառանգությունն է, իսկ ARARAT թանգարանը բացառիկ վայր է, որը պահում, ուսումնասիրում, իմաստավորում և ներկայացնում է հայկական կոնյակագործության պատմությունը։ Լեգենդար ապրանքանիշի պատմության նկատմամբ այցելուների նման անկեղծ հետաքրքրությունը, իմ կարծիքով, վկայում է այն մասին, որ հայկական կոնյակագործության հարուստ պատմությունը, որը լի է հաղթարշավների, առատաձեռնության և վարպետության դրվագներով, դառնում է մեր ինքնության մասնիկն ու հպարտության առիթը»,- նշել է Երևանի կոնյակի գործարանի ARARAT թանգարանի ղեկավար Առնո Թադևոսյանը։

ARARAT թանգարանը լինելով Հայաստանի ամենաշատ այցելվող թանգարաններից մեկը և Թանգարանների միջազգային խորհրդի (ICOM) անդամ՝ օրվա խորհրդի կապակցությամբ զարդարեց երևանյան գիշերները՝ Երևանի կոնյակի գործարանի ֆասադային հատվածի հատուկ լուսավորությամբ։