Ավանդույթի համաձայն` ARARAT թանգարանն այս տարի ևս միացավ միջազգային «Թանգարանների գիշեր» նախաձեռնությանը` համալրելով թանգարանասեր հասարակության տպավորությունները։

Մայիսի 20-ին՝ ժամը 19։30-ից մինչ կեսգիշեր, մայրաքաղաքի հյուրերը և Երևանի բնակիչները հնարավորություն ունեցան անվճար այցելելու ARARAT թանգարան՝ ծանոթանալու լեգենդար կոնյակի արտադրության բարդ ճանապարհին, ինչպես նաև բացահայտելու հայկական կոնյակագործության հարուստ ժառանգությունը։ Թանգարան այցն այս տարի ևս դրական արձագանքներ գրանցեց հանրության շրջանում՝ հյուրընկալելով հազարավոր այցելուների։

Միջոցառումն առավել հիշարժան դարձնելու նպատակով՝ այդ օրը ARARAT թանգարանը իր ժամանակավոր ցուցադրությունների սրահում բացեց «Արժեքների վկայագիր» ցուցադրությունը։

Ցուցադրության հիմքում հայկական և համաշխարհային էպոսներն են՝ «Գիլգամեշից» մինչև «Ոդիսական», «Սասնա ծռերից» մինչև «Նիբելունգների երգը» և այլն։ Երկարատև մասնագիտական աշխատանքների արդյունքում համաշխարհային էպիկական գործերից առանձնացվել էին ոգեշնչող՝ ARARAT-ին համահունչ դրվագներ, որոնք պատկերավորվել են արհեստական բանականության միջոցով։

«Մայիսի 20-ի երեկոյան «Արժեքների վկայագիր» ցուցադրության բացումը մեր հարգանքի տուրքն էր «Թանգարանների գիշվա» մեր այցելուներին։ Ցուցադրությունը կգործի ևս երկու ամիս` աշխարհի տարբեր երկրների մեր այցելուներին ներկայացնելով համաշխարհային գրական ժառանգության արժեքները, որոնք հանգավորվում են ARARAT-ի հետ», - նշում է ARARAT թանգարանի ղեկավար Առնո Թադևոսյանը։