Երևանի կոնյակի գործարանը արժանացավ հատուկ մրցանակի ՀՀ Պետական Եկամուտների կոմիտեի կողմից
![Երևանի կոնյակի գործարանը արժանացավ հատուկ մրցանակի ՀՀ Պետական Եկամուտների կոմիտեի կողմից](/media/xxbatdc5/tat_3443.jpg)
Ապրիլի 19-ին՝ Հարկ վճարողի օրվա առթիվ, ՀՀ պետական եկամուտների կոմիտեի նախաձեռնությամբ «Արամ Խաչատրյան» համերգասրահում տեղի է ունեցել հանդիսավոր միջոցառում։
ՊԵԿ նախագահ Ռուստամ Բադասյանը ողջունելով ներկաներին՝ շնորհավորել է Հարկ վճարողի օրվա առթիվ և շեշտել, որ այս կարևոր օրը համապետական մակարդակով նշելու նախաձեռնության նպատակն է՝ արմատավորելու հարկ վճարելու մշակույթը Հայաստանի Հանրապետությունում, ինչպես նաև ընդգծելու պետություն-մասնավոր, պետություն-քաղաքացի ամուր և գործընկերային կապը: ՊԵԿ նախագահն առանձնահատուկ կարևորել է օրինապահ հարկ վճարողների դերը պետականաշինության գործում և Հայաստանի Հանրապետության անունից շնորհակալություն հայտնել հարկ վճարողներին՝ կատարած աշխատանքի և վճարած հարկերի համար:
Այնուհետև տեղի է ունեցել հարկ վճարողների պարգևատրման արարողություն։
Երևանի կոնյակի գործարանը ճանաչվեց Օրինապահ հարկատու և վստահելի գործընկեր՝ արժանանանլով հատուկ մրցանակի։
"Օրինապահ հարկ վճարելը սխրանք չէ, այլ պատասխանատու բիզնեսի գործելաոճ։ Եվ ես ուրախ եմ, որ Երևանի կոնյակի գործարանի պատասխանատվության լայն շրջանակի հիմքում կարգապահ հարկատու լինելն է",- իր շնորհակալական խոսքում նշեց Երևանի կոնյակի գործարանի գործադիր տնօրեն Սերգեյ Խաչատրյանը։
Պարգևատրման արարողությանը հաջորդել է ՀՀ պետական սիմֆոնիկ նվագախմբի համերգային ծրագիրը՝ ջութակահարուհի Դիանա Ադամյանի նվագակցությամբ և Սերգեյ Սմբատյանի դիրիժորությամբ։
Այլ նորություններ
![Վենետիկի 60-րդ հոբելյանական բիենալեի հայկական տաղավարի պաշտոնական աջակիցն է ARARAT լեգենդար հայկական կոնյակը](/media/kdbo3rfe/image00038.jpeg)
Վենետիկի 60-րդ հոբելյանական բիենալեի հայկական տաղավարի պաշտոնական աջակիցն է ARARAT լեգենդար հայկական կոնյակը
![ARARAT հայկական կոնյակը՝ Շառլ Ազնավուրի 100-ամյակին նվիրված միջոցառումների շարքի գլխավոր գործընկեր](/media/xwniajym/ars_0725.jpg)
ARARAT հայկական կոնյակը՝ Շառլ Ազնավուրի 100-ամյակին նվիրված միջոցառումների շարքի գլխավոր գործընկեր
![«Սերգեյ Փարաջանով․ Չընդհատված թռիչք» ցուցադրություն ARARAT թանգարանում](/media/nrlppql5/parajanov-100-final-1.png)