Հայաստան. բնության բազմազանություն՝ անծայրածիր Արարատյան դաշտավայրից մինչև խիտ անտառներով և զովությամբ պարուրված նախալեռներ: Ողողված բնության առատաձեռն արևով, որի բարիքներից և տեղական խաղողի տեսակներից են արտադրվում ARARAT հայկական կոնյակը։

Ինչպե՞ս զգալ Հայաստանի իսկական համը։

Գաստրո մշակույթով հետաքրքրվածների համար «Соль» ամսագիրը թողարկման այս շրջանում բացահայտում է Հայաստանի տարբեր անկյունները ARARAT-ի աչքերով և թողարկում է հեղինակային ընթրիքների շարք։ Երեք առանձնահատուկ վայրեր Հայաստանում, որտեղ հյուրերը կարող են ճաշակել մոսկովյան չորս խոհարարների ճաշացանկը, որոնցից յուրաքանչյուրն արտացոլում է Հայաստան աշխարհի էությունը պարզ, բայց վառ և օրիգինալ մատուցումներով, ստեղծված յուրահատուկ ջերմ մթնոլորտում, ARARAT-ի հիմքով կոկտեյլների գաստրոնոմիկ համադրությամբ։

Հիմքում՝ տեղական մթերքներն են, իսկ մթնոլորտն՝ ասես հենց շեֆ-խոհարարին հյուր եք համեցել։ Առանց նախնական որևէ պատրաստության, ճաշատեսակների համար նախատեսվել են միայն սեզոնային մթերքներ, որոնք հավաքվել և մատակարավել էին ճաշից անմիջապես առաջ, որպեսզի թե՛ խոհարարները, թե՛ հյուրերը ունենան ոչ միայն խոհարարական ճամփորդություն, այլև իր տեսակի մեջ եզակի ներկայացում։

Ընթրիքների շարքն առաջինը բացում է Ռոման Կիսելևը («Ռենե» ռեստորան), ով մատուցել է ճաշացանկը, իրեն բնորոշ Սանկտ Պետերբուրգի էսթետիկայով՝ Սևանի մերձակա գյուղերից մեկում գտնվող «Ծաղկունք» ռեստորանում։

Հաջորդիվ տեղափոխվում ենք Դիլիջանի «ImToon» ռեստորան, որտեղ առանց այն էլ հիասքանչ տեսարանն ավելի է գեղեցկանում Նիկիտա Բրեխովի («The Greeks» ռեստորան) մատուցած ընթրիքի շնորհիվ՝ երկրորդը նախագծի շրջանակում։ Փակմանը ներկայացվում է միանգամից երկու մոսկովյան շեֆ-խոհարարների ընթրիք՝ Անտոն Կովալկովու և Գեորգի Տրոյանի (Le Pigeon) ստեղծած գաստրո փորձառությամբ Երևանի «Phoenix Bar» ռեստորանում: