Սեպտեմբերի 19-ին Հանրային հեռուստաընկերությունում տեղի ունեցավ «Ժամանակների խաչմերուկ» համերգ-նախագծի նկարահանումը: Միջոցառման գլխավոր գործընկերն էր ARARAT լեգենդար հայկական կոնյակը:

Համերգին հնչեցին հայ մեծերի՝ Կոմիտասի և Հովհաննես Թումանյանի տարբեր ժամանակներում միաձուլված ստեղծագործությունները: Համերգային ծրագրի հատուկ մաս կազմեց նաև մերօրյա վաստակավոր երաժիշտների՝ Տիգրան Մանսուրյանի և Ռոբերտ Ամիրխանյանի ստեղծագործությունների մատուցումը հուզիչ տեսահոլովակների ներքո: Միջոցառումն անց է կացվել Հանրային հեռուստաընկերության բակում՝ հյուրերին հնարավորություն ընձեռելով զմայլվել Երևանի հիասքանչ համայնապատկերով: Համերգին ներկա գտնվեցին ՀՀ վարչապետ Նիկոլ Փաշինյանը, Ազգային ժողովի նախագահ Արարատ Միրզոյանը, ինչպես նաև քաղաքական և մշակութային ոլորտի մի շարք ներկայացուցիչներ:

ARARAT լեգենդար հայկական կոնյակը, որը մշտապես աջակցում է մշակութային ամենանշանակալի միջոցառումներին, հանդես եկավ գլխավոր գործընկերոջ դերում: Հյուրերը վայելեցին ARARAT շարքի անզուգական կոնյակները, ինչպես մաքուր մատուցմամբ, այնպես էլ նրանց հիմքով պատրաստված կոկտեյլների միջոցով: