Երևանի կոնյակի գործարանի ARARAT թանգարանում բացվեց «Եվ ծագում է արևը» ժամանակավոր ցուցադրությունը։

 «Եվ ծագում է արևը» ժամանակավոր ցուցադրությունը լեգենդար կոնյակի հարյուրավոր մրցանակների փոքրիկ ընտրանի է, բացառիկ ժառանգության նախաբան, որի ամբողջական պատմությունը հնարավոր է բացահայտել Թանգարանի մշտական ցուցադրության շրջանակներում։

Ցուցադրված նմուշների շարքում են այնպիսի մրցանակներ ինչպիսիք են լեգենդար հայկական կոնյակի առաջին դիպլոմը նվաճած 1907 թվականին Ֆրանսիայում,  «Դվին» կոնյակի հաղթանակները,  ARARAT-ի վերջին մրցանակը ստացած Ճապոնիայում 2021 թվականի մայիսին և այլն։

Ցուցադրությունը պատմում է ոչ միայն ARARAT-ի լեգենդար կուպաժների և նրանց կողմից նվաճած հաղթանակների մասին, այլև վերարտադրում պատմական կոնտեքստը, ներկայացնելով այն նվիրյալներին, որոնք կերտել են այդ հաղթանակները։ 

Լեգենդար ARARAT հայկական կոնյակները իրենց ստեղծման պահից ի վեր մարմնավորել են Հայաստանը, փոխանցել հայկական հողի և արևի ջերմությունը, նվիրյալների վարպետությունն ու անսպառ սերը  աշխարհի տարբեր անկյուններում։ Պարբերաբար վերափոխելով իրենց արտաքին ձևավորումը` ARARAT կոնյակները տասնամյակներ ի վեր նվաճել են ամենադժվարահաճ մասնագետների սրտերը՝ Հայաստան բերելով ամենաբաղձալի հաղթանակները։

«Եվ ծագում է արևը» մի պատմություն է անցյալի ոսկե նվաճումների մասին, որի առկայծող փայլը վեհ փարոսի պես լուսավորում է ճանապարհը դեպի ապագա հաղթանակները…

Ցուցադրությունը բաց է այցելուների համար։ Թանգարան այցելությունը նախապես պետք է ամրագրել՝ զանգահարելով (010) 540000 հեռախոսահամարով։