«Ջրի ձևը»
Դեկտեմբերի 6-ին ԱՐԱՐԱՏ թանգարանի ցուցասրահում տեղի ունեցավ ճանաչված լուսանկարիչ Զավեն Խաչիկյանի «Ջրի ձևը» ցուցահանդեսի բացումը: Ցուցահանդեսին նոր ձևաչափով ներկայացված էին աշխատանքներ հեղինակի «Հոսող ջուր» ալբոմից, որն ավելի վաղ լույս էր տեսել ԱՐԱՐԱՏ թանգարանի աջակցությամբ: Ներկայացված 23 աշխատանքները խմբավորված էին եռապատկերների և քառապատկերների տեսքով: Միջոցառումը միավորեց լուսանկարչական, ինչպես նաև մշակութային ոլորտների մի շարք ականավոր ներկայացուցիչների, որոնց հնարավորություն ընձեռվեց վայելել նաև ARARAT Ախթամար նրբագեղ կոնյակը:
«Ֆոտոխցիկի համատարած հասանելիությունը մեր հեռախոսներում երբեմն ստեղծում է պատրանք, որ յուրաքանչյուրս կարող է լինել լուսանկարիչ: Այդ իմաստով նման ցուցահանդեսը ոչ միայն պատկերների, այլև մասնագիտական բարձր հղկվածության ներկայացում է»,- ընդգծում է ԱՐԱՐԱՏ թանգարանի մենեջեր Առնո Թադևոսյանը:
ԱՐԱՐԱՏ թանգարանի նոր ցուցարահի բացումը կայացել է նոյեմբերի 22-ին՝ Նարեկ Վան Աշուղաթոյանի «Հայաստանի հրաշք գանձերը» նկարի ցուցադրությամբ:
Զավեն Խաչիկյանի «Ջրի ձևը» ցուցահանդեսը կգործի մինչև դեկտեմբերի 19-ը:
Այլ նորություններ
«Արարատ: Ոգեշնչման փարոս»
«Դալի-Պիկասո» ցուցահանդես
